Garða- og Saurbæjarprestakall

Fimmtudagskvöldið 10. september kl. 20 verður Akraneskirkja opin fyrir þau sem vilja koma og kveikja á kerti og eiga hljóða stund í kirkjunni í minningu þeirra sem látist hafa af eigin hendi. Prestar kirkjunnar verða á staðnum. Gulur september; - vitunarvakning um geðrækt og sjálfsvígsforvarnir. Nánari upplýsingar um Gulan september; og dagskrá víða um land, hvort heldur er allan mánuðinn eða viðburði 10. september er að finna á heimasíðunni gulurseptember.is.

Sunnudaginn 6. september kl. 11 er fyrsta samveran í sunnudagaskólanum í Akraneskirkju! Alda og Andri eru full tilhlökkunar að taka á móti börnunum stórum og smáum. Aðstoðarleiðtogar í vetur eru Heiðrún Ása og Árný Lea. Söngur, sögur og bæn. Afmælisbörn mánaðarins fá gjöf. Öll börn fá bókina Ljós heimsins og safna límmiðum í hana í vetur. Verið velkomin í skemmtilegan sunnudagaskóla!

Kvöldguðsþjónusta með gospel ívafi verður í Akraneskirkju 30. ágúst kl. 20. Katrín Valdís Hjartardóttir syngur, undirleikari er Flosi Einarsson. Sr. Ólöf Margrét Snorradóttir þjónar. Þar sem fermingarundirbúningur er hafinn eru fermingarbörn og foreldrar þeirra sérstaklega hvött til að mæta. Eigum góða stund í kirkjunni okkar á síðsumarskvöldi.  

Hefðbundið helgihald og safnaðarstarf hefst að nýju í Akraneskirkju Miðvikudaginn 26. ágúst er kyrrðarstund í Akraneskirkju kl. 12:10 og súpa í Vinaminni á eftir. Kr. 1.000 fyrir súpu. Kyrrðarstundin fer rólega af stað núna, enginn orgelleikur en ljúfur lestur og bænir. Súpan hennar Fjólu stendur alltaf fyrir sínu. Við hlökkum til að hitta ykkur aftur eftir sumarið. Verið velkomin!

Þann 23. ágúst árið 1896 var Akraneskirkja vígð við hátíðlega athöfn. Við minnumst þess í hátíðarmessu sunnudaginn 23. ágúst nk. kl. 11 og í messukaffi á eftir í Vinaminni. Safnaðarheimilið Vinaminni var tekið í notkun 24. ágúst 1986, fyrir fjörutíu árum, við fögnum því sömuleiðis. Í messunni þjóna prestar safnaðarins, sr Þráinn Haraldsson sóknarprestur, sr Ólöf Margrét Snorradóttir prestur og sr Þóra Björg Sigurðardóttir prestur. Organisti er Hilmar Örn Agnarsson, Hrefna Berg leikur á [...]

Það er ótvírætt merki um að sumarið fer senn að kveðja og haustið að ganga í garð þegar við hittum væntanleg fermingarbörn næsta vors! Miðvikudaginn 19. ágúst og fimmtudaginn 20. ágúst er sumarnámskeið fermingarbarna í Vinaminni. Nemendur Heiðarskóla og Brekkubæjarskóla mæta kl. 9 báða dagana og eru til 12. Nemendur Grundaskóla koma kl. 13 og eru til kl. 16. Skemmtileg dagskrá báða dagana, inni og úti. Fermingarferðalag í Vatnaskóg verður 6.-8. september og svo [...]

Hallgrímskirkja í Saurbæ Messa kl. 14 Sameiginleg guðsþjónusta Grensás- og Saurbæjarsafnaða Nýlega fékk Hallgrímskirkja orgel að gjöf frá Grensáskirkju. Orgelið var áður í notkun í Grensáskirkju en var helgað til þjónustu í Hallgrímskirkju á páskadag. Kór Saurbæjarprestakalls og Kór Grensáskirkju syngja. Organisti Ásta Haraldsdóttir. Sr. Ólöf Margrét Snorradóttir, sr. Þráinn Haraldsson og sr. Þorvaldur Víðisson þjóna. Messukaffi í Saurbæ. Verið velkomin til kirkju!   Akraneskirkja Helgistund á sumarkvöldi kl. 20 Lesmessa þar sem allir [...]

Það verður kvöldmessa í Akraneskirkju sunnudaginn 21. júní kl. 20. Séra Kristján Valur Ingólfssonar þjónar, Hilmar Örn Agnarsson er oragnisti og félagar úr Kór Akraneskirkju leiða söng.

Það verður hátíðarmessa kl. 13 í Akraneskirkju á 17. júní. Séra Jón Ármann þjónar og nýstúdentinn Víkingur Geirdal Birnuson flytur hátíðarræðu. Hilmar Örn Agnarsson er organisti og félagar úr Kór Akraneskirkju leiða söng. Eftir messuna verður Kirkjunefnd Akraneskirkju með sína árlegu 17. júní kaffisölu í Safnaðarheimilinu Vinaminni frá kl. 14-17. Það verður posi á staðnum.   Athugið að það verður ekki messa í Akraneskirkju 14. júní.

Á sjómannadaginn 7. júní verður minningarstund við minnisvarða um týnda sjómenn í Akraneskirkjugarði kl. 10. Að því loknu verður sjómannadagsmessa kl. 11 í Akraneskirkju. Í messunni verða tveir sjómenn heiðraðir. Blómsveigur lagður að minnismerki sjómanna á Akratorgi að messu lokinni. Einnig verður guðsþjónusta á hjúkrunarheimilinu Höfða kl. 12:45. Verið velkomin

Aðalsafnaðarfundur Akranessóknar verður haldinn í Safnaðarheimilinu Vinaminni,  miðvikudaginn 27. maí, klukkan 18 Á fundinum er farið yfir skýrslu formanns, ársreikninga og önnur aðalfundarstörf. Verið velkomin á aðalsafnaðarfund í ykkar sókn og kynnið ykkur málefni kirkjunnar ykkar og það fjölbreytta starf sem þar fer fram.