Akranessókn boðar til aðalsafnaðarfundar fimmtudaginn 30. mars kl. 18 í Vinaminni. Á fundinum verða hefðbundin aðalfundarstörf, sagt verður frá starfi safnaðarins á síðasta ári, lagðir fram ársreikningar og kosið til sóknarnefndar.

Allir íbúar á Akranesi sem skráðir eru í Þjóðkirkjuna hafa rétt til að sitja fundinn og greiða atkvæði og geta boðið sig fram í sóknarnefnd.

Aðalsafnaðarfundur er tækifæri til að heyra um málefni kirkjunnar á Akranesi og hafa áhrif á starf safnaðarins.