Hallgrímskirkja í Saurbæ
Vaktsími presta: 893-5900
Vaktsíminn einungis ætlaður brýnum málum sem ekki þola bið fram að viðtalstíma prestanna.
Fréttasafn
Hallgrímsdagar 26. – 30. október
Hallgrímsdagar verða 27. - 30. október 2022 í tilefni af ártíð Hallgríms Péturssonar. Eftirfarandi dagskrá verður í Hallgrímskirkju í Saurbæ: Fimmtudagur 27. október kl. 20.00 ,,Biskupinn blessar hjalla". Ádeilur Hallgríms Péturssonar. Torfi K. Stefánsson Hjaltalín flytur erindi. Tónlist: Benedikt Kristjánsson, tenór. Kór Saurbæjarprestakalls, stjórnandi og meðleikari: Zsuzsanna Budai. Aðgangur ókeypis. Laugardagur 29. október kl. 16.00 Tríóið Sírajón flytur verk eftir Katchaturain, Atla Heimi Sveinsson og Hjálmar H. Ragnarsson. Tríóið skipa: Laufey Sigurðardóttir (fiðla), Einar [...]
Bleik messa sunnudaginn 23. október kl. 20
Í tilefni af bleikum október höldum við bleika messa í samstarfi við Krabbameinsfélag Akraness. Ræðumaður kvöldsins er Tinna Grímarsdóttir. Kvennakórinn Ymur leiðir söng ásamt konum úr Kór Akraneskirkju og Kór Saurbæjarprestakalls, stjórnendur Sigríður Elliðadóttir og Zsuzsanna Budai. Organisti er Hilmar Örn Agnarsson. Sr. Ólöf Margrét Snorradóttir leiðir stundina, meðhjálpari Helga Sesselja Ásgeirsdóttir. Kaffisopi í Vinaminni eftir guðsþjónustu. Mætum til messu og sýnum samstöðu með árveknisátaki Krabbameinsfélagsins!
Streymi frá minningarstund
https://youtu.be/Mg2HUvYDVYk
Minningarstund á alþjóðadegi barnsmissis
15. október ár hvert er alþjóðlegur dagur barnsmissis, þar er minnst þeirra barna sem létust í móðurkviði, í og eða eftir fæðingu. Minningarstund verður haldin í Akraneskirkju laugardaginn 15. október kl. 20. Stundin er í samstarfi við Englaforeldra á Akranesi. Valgerður Jónsdóttir söngkona mun flytja tónlist, sr. Þráinn Haraldsson leiðir stundina. Kveikt verður á kertum í minningu barnanna. Eftir stundina verður farið að minningarreit látinna barna í Akraneskirkjugarði. Stundin er öllum opin og bjóðum [...]
Hannyrðir og huggulegheit í opnu húsi miðvikudaginn 12. október kl. 13:15
Opið hús er í Vinaminni annan hvern miðvikudag kl. 13:15. Áhersla er á samveru og skemmtun, að fræðast og gleðjast saman. Dagskráin er sambland af tónlist, erindum frá góðum gestum og fræðslu og skemmtun að hætti hússins. Umsjón með starfinu hefur sr. Ólöf Margrét Snorradóttir. Miðvikudaginn 12. október kíkja þær Vera Knútsdóttir í Litlu músinni og Sigurlína Júlíusdóttir hjá Gallerý Snotru í heimsókn. Þær segja frá versluninni, bróderíi, prjónaskap, fatasaum og fleiru og fleiru. [...]
Sunnudagurinn 9. október
Sunnudaginn 9. október verður Bleikur sunnudagaskóli í Akraneskirkju kl. 11. Þá má mæta í bleikum fötum eða með eitthvað bleikt með sér. Um kvöldið verður Kvöldmessa í Akraneskirkju kl. 20. Séra Þóra Björg þjónar fyrir altari, Kór Akraneskirkju leiðir söng og Hilmar Örn Agnarsson er organisti. Verið hjartanlega velkomin
Karlakaffi miðvikudaginn 5. október klukkan 13.30 í Vinaminni
Miðvikudaginn 5. október kl. 13.30 verður Karlakaffi í Vinaminni. Gestir í kaffinu verða Guðmundur Páll og Steini Hákonar ásamt Hilmari Erni organista. Karlar verið velkomnir.
Sunnudagur 2. október
Fjölskylduguðsþjónusta í Akraneskirkju kl. 11 Biblíusaga og bæn, söngur og gleði. Verið velkomin til kirkju!
Söngur farfuglanna – Tónleikar á vegum Kalman Listafélags Akraness
Söngur farfuglanna er er yfirskrift fyrstu tónleika haustsins hjá Kalman listafélagi sem haldnir verða í Vinaminni nk. fimmtudagskvöld kl. 20. Fram kemur sérlega efnileg ung sópransöngkona Bryndís Guðjónsdóttir ásamt flautuleikaranum Pamela De Sensi og Guðríði St. Sigurðardóttur píanóleikara. Þar flytja þær fágaða og spennandi efnisskrá fyrir sópran, flautu og píanó eftir 19. og 20. aldar tónskáld þar sem m.a. ástríðufullir hljómar eftir Ciardi, Donizetti, Alybyev og Rodrigo blandast saman við rómantíska og fágaða hljóma [...]
Opið hús í Vinaminni 28. september kl. 13:15
Opið hús er í Vinaminni annan hvern miðvikudag kl. 13:15 Miðvikudaginn 28. september verður dagskrá að hætti hússins í umsjá sr. Ólafar. Hilmar organisti verður henni til halds og trausts og spilar tónlist í dúr fremur en moll. Leikir, gátur, ögn af fróðleik en einkum skemmtun. Láttu sjá þig. Kaffi og meðlæti í lok samveru.
Sunnudagur 25. september
Varpið allri áhyggju ykkar á hann því að hann ber umhyggju fyrir ykkur (1Pét 5.7) Sunnudagur 25. september 2022 Leirárkirkja: Guðsþjónusta kl. 11. Kór Saurbæjarprestakalls syngur. organisti Zsuzsanna Budai. Sr. Ólöf Margrét þjónar, meðhjálpari Kolbrún Sigurðardóttir. Akraneskirkja: Sunnudagaskóli kl. 11 Messa kl. 20 Kór Akraneskirkju syngur, organisti Hilmar Örn Agnarsson. Prestur Ólöf Margrét, meðhjálpari Fjóla Lúðvíksdóttir. Verið velkomin til kirkju!
Kammerkór Seltjarnarneskirkju heldur tónleika í Vinaminni
Laugardaginn 17. september kl. 15. mun Kammerkór Seltjarnarneskirkju halda hausttónleika í safnaðarheimilinu Vinaminni á Akranesi. Flutt verða íslensk og erlend lög frá ýmsum tímabilum m.a. eftir Thomas Tallis, Felix Mendelssohn, Eric Whitacre, Pärt Uusberg, Sigurð Sævarsson, Maríu Huld Markan Sigfúsdóttur, Huga Guðmundsson og fleiri. Kór Akraneskirkju kemur einnig fram á tónleikunum. Stjórnandi Friðrik Vignir Stefánsson Meðleikur á píanó Hilmar Örn Agnarsson Aðgangur er ókeypis og allir velkomnir.