Hallgrímskirkja í Saurbæ
Vaktsími presta: 893-5900
Vaktsíminn einungis ætlaður brýnum málum sem ekki þola bið fram að viðtalstíma prestanna.
Fréttasafn
Opið hús í Vinaminni miðvikudaginn 14. september
Miðvikudagur 14. september 2022 Söngur og sögur verða í fyrsta opna húsinu, Sigursteinn Hákonarson, Steini í Dúmbó, kemur og slær á létta strengi ásamt Hilmari organista. Umsjón hefur sr. Ólöf Margrét. Verið velkomin! Opið hús í Vinaminni kl. 13-15 annan hvern miðvikudag frá 14. september. Skemmtun og fróðleikur, söngur og gleði. Kaffi í lok hverrar samveru. Minnum einnig á bænastund í Akraneskirkju alla miðvikudaga kl. 12:10. Súpa í Vinaminni á eftir.
Forvarnardagur sjálfsvíga – minningastund
Minningastund í Akraneskirkju kl. 20 Laugardaginn 10. september 10. september er alþjóðlegur forvarnardagur gegn sjálfsvígum. Hér á landi er dagurinn einnig helgaður minningu þeirra sem fallið hafa fyrir eigin hendi og eru minningar- og kyrrðarstundir haldnar um land allt. Á minningastund í Akraneskirkju deilir Mjöll Barkardóttir aðstandandi reynslu sinni, Hilmar Örn Agnarsson organisti leikur ljúfa tóna. Kveikt á kertum í minningu látinna ástvina. Hugleiðing og bæn. Prestar kirkjunnar leiða stundina. Kaffi og [...]
Sunnudagur 4. september
Guðsþjónusta á hlaði Innra-Hólmskirkju sunnudaginn 4. september kl. 11 Nú stendur yfir viðgerð á kirkjunni en við komum saman við kirkjuna og fögnum hausti og þökkum fyrir sumarið. Kór Saurbæjarprestakalls leiðir söng, organisti Zsuzsanna Budai. Prestur Ólöf Margrét Snorradóttir. Kaffisopi eftir stundina. Klæðum okkur eftir veðri og eigum góða samveru úti í náttúrunni! Verið velkomin! Akraneskirkja: Taizé-messa kl. 20 Taizé-messa á uppruna sinn að rekja til bæjarins Taizé í Suður-Frakklandi og byggist hún upp [...]
Auglýsing frá Kór Akraneskirkju
Kór Akraneskirkju getur bætt við sig söngfólki í allar raddir. Metnaðarfull og skemmtileg dagskrá fram undan í vetur. Hress og skemmtilegur félagsskapur. Æft er í Vinaminni kl. 19.30 - 21.30 á þriðjudagskvöldum. Áhugasamir hafi samband við Hilmar Örn Agnarsson kórstjóra s. 8494708, netfang: hilmarorg@gmail.com eða Þröst Ólafsson formann kórsins s. 8484929, netfang: sporri@simnet.is
Útvarpsguðsþjónusta frá Akraneskirkju
Sunnudaginn 28. ágúst var útvarpað guðsþjónustu frá Akraneskirkju. Sr. Ólöf Margrét Snorradóttir prédikaði, sr. Þráinn Haraldsson og sr. Þóra Björg Sigurðardóttir þjónuðu fyrir altari. Kór Akraneskirkju söng undir stjórn og undirleiks Hilmars Arnar Agnarssonar organista. Forsöngur: Þórgunnur Stefánsdóttir, Díana Carmen Llorens Isaguirre og Benedikt Kristjánsson. Hljóðfæraleikur: Rut Berg Guðmundsdóttir, flauta og Matthías Stefánsson, fiðla. Upphafsbæn: Helga Sesselja Ásgeirsdóttir. Ritningalestur: Anna Kristjánsdóttir. Sálmar fyrir predikun: Forspil: Írskt þjóðlag. Sálmur 861: Kom voldugi andi. Lag: Hellen Kennedy. Texti: Arinbjörn Vilhjálmsson. Sálmur 874: Dýrðarsöngur. Texti: Jón Ólafur Sigurðsson. Drottinn gerðu hljótt. Lag: Andrew Lloyd Webber, útsetning: Aðalheiður Þorsteinsdóttir. Texti: Ólafur Jóhannsson. Sálmur 709: Þú heyrir spurt. Lag: Siguróli Geirsson. Texti: Sigurbjörn Einarsson. Eftir predikun: Sálmur 369: Ég heyrði Jesú himneskt orð. Lag: Bonar. Texti: Stefán Thorarensen. Sálmur 884: Þinn vilji Guð. Lag: P. Matsikemyiri. Texti: Kristján Valur Ingólfsson. Sálmur 754: Ó, heyr mína bæn. Lag: J. Berthier. Sálmur 38: Á hendur fel þú honum. Lag: Sigvaldi Kaldalóns. Texti: Björn Halldórsson. Eftirspil: The Arrival of the Queen of Sheba eftir George Friedrich Händel. Hér er slóð á upptökuna: https://www.ruv.is/utvarp/spila/gudsthjonusta/24228/7hi3i3
Útvarpsmessa og kvöldmessa
Útvarpsmessa verður frá Akraneskirkju á Rás 1 sunnudaginn 28. ágút kl. 11. Einnig verður kvöldmessa í Akraneskirkju sunnudaginn 28. ágúst kl. 20.
Akraneskirkja – Kvöldmessa sunnudaginn 21. ágúst kl. 20 – Bænastund miðvikudaginn 24. ágúst kl. 12.15
Sunnudaginn 21 ágúst. Kvöldmessa kl. 20 sr. Þráinn Haraldsson þjónar fyrir altari, Kirkjukór Akraneskirkju syngur undir stjórn Hilmars Agnarssonar organista. Verið velkomin til kirkju Fyrsta bænastund haustsins verður í Akraneskirkju miðvikudaginn 24. ágúst kl. 12.15. Fyrirbænir og ljúfir tónar, súpa í Vinaminni eftir stundina.
Fjölskyldustund í Akraneskirkju á sunnudaginn
Það verður fjölskyldustund í Akraneskirkju sunnudaginn 14. ágúst kl. 11. Hlustum á sögu, syngjum saman og förum í leiki. Verið öll hjartanlega velkomin.
Messa á sumarkvöldi
Akraneskirkja sunnudaginn 7. ágúst kl. 20 Helgihald í Garða- og Saurbæjarprestakalli hefst að nýju þann 7. ágúst með lesmessu í Akraneskirkju. Í lesmessum er enginn söngur en allur texti lesinn. Valdir ritningartextar og sálmar, hugleiðing og altarisganga. Sr. Ólöf Margrét þjónar, meðhjálpari Ósk Jónsdóttir. Velkomin til messu á sumarkvöldi.
Tónleikadagskrá fyrir sumartónleika Hallgrímskirkju í Saurbæ
Nú er loks fullmótuð glæsileg tónleikadagskrá fyrir sumarið á hverjum sunnudegi frá 19. júní til 7. ágúst. Allir velkomnir og veitingastaðir í nágrenninu taka fagnandi við gestum með ómótstæðileg tilboð og matseðla. Sunnudagur 26. júní kl. 16 - Rósa, Rímsen og Tríó Ziemsen Sunnudagur 3. júlí kl. 16 - Íslensk sönglög ásamt Grieg og Schubert Sunnudagur 10. júlí kl. 16 - Sveitadansar Bartoka, Copland og Prokofiev Sunnudagur 17. júlí kl. 16 - Bach, Bolero, [...]
Hilmar Örn ráðinn organisti
Á dögunum var auglýst eftir organista og kórstjóra við Akraneskirkju. Fjórar umsóknir bárust og hefur sóknarnefndin boðið Hilmari Erni Agnarssyni starfið. Hilmar Örn hefur starfað í afleysingu við Akraneskirkju undanfarið ár. Hilmar Örn er menntaður í Þýskalandi og hefur langa reynslu sem organisti. Hann hefur starfið við Grafarvogskirkju, Kristskirkju í Reykjavík, lengst var hann organisti við Skálholtsdómkirkju og hefur stjórnað fjölmörgum kórum með góðum árangri. Við bjóðum hann velkomin til starfa sem fastráðin starfsmaður [...]
Þjóðhátíðardagurinn
Á þjóðhátíðardaginn er hátíðarguðþjónusta við Akraneskirkju kl. 13. Sr. Þráinn Haraldsson þjónar, Védís Agla Reynisdóttir nýstúdent heldur ræðu. Hilmar Örn Agnarsson leikur á orgel og Kór Akraneskirkju syngur. Hátíðarkaffi kirkjunefndar stendur frá kl.14-17 í Vinaminni. Verð kr. 2500 fyrir fullorðna, kr 500 fyrir börn 6-12 ára. Frítt fyrir 6 ára og yngri. Athugið enginn posi er á staðnum. Messan í Hvalfjarðarsveit fellur því miður niður þetta árið vegna framkvæmda við Innra-Hólmskirkju en kirkjan verður [...]