Garða- og Saurbæjarprestakall

Sjómannadagurinn verður haldinn hátíðlegur í Akraneskirkju. Blómsveigur verður lagður að minnisvarða um horfna sjómenn í Kirkjugarði Akraness kl. 10. Guðsþjónusta verður kl. 11 í Akraneskirkju og að henni lokinni verður haldið á Akratorg og blómsveigur lagður að minnisvarða sjómanna.

Hvítasunnan er fimmtíu dögum eftir páska. Hún er fæðingarhátíð kirkjunnar, hátíð heilags anda. Hún minnir okkur á að Jesús hefur brotið og afnumið alla múra milli manna og þjóða og kynþátta og milli Guðs og manna, og myndað nýtt samfélag, kirkjuna. Guð hefur endurfætt okkur til þess samfélags í skírninni. Þessari stórhátíð fögnum við í Garða- og Saurbæjarprestakalli. Á hvítasunnudag eru tvær guðsþjónustur. Hátíðarguðsþjónusta í Akraneskirkju kl. 11. Sr. Þráinn Haraldsson þjónar fyrir altari [...]

Í byrjun mánaðar var auglýst 100% staða organista við Akraneskirkju. Umsóknarfrestur rennur út þann 3. júní. Nánari upplýsingar um stöðuna má finna hér fyrir neðan.    

Akraneskirkja kl. 20 Guðsþjónusta á ljúfum nótum. Lesið úr Davíðssálmum, hugleiðing og kvöldsálmar. Verið velkomin til kirkju!

Uppstigningardagur 26. maí - kirkjudagur aldraðra - vorferð Guðsþjónusta í Hallgrímskirkju í Saurbæ kl. 11, sr. Ólöf Margrét þjónar en Hljómur, sönghópur feban, leiðir söng undir stjórn Lárusar Sighvatssonar. Organisti er Hilmar Örn Agnarsson. Vorferð eldri borgara starfsins við Akraneskirkju upp í Hvalfjörð, brottför kl. 10 frá Vinaminni. Guðsþjónusta í Saurbæ, súpa snædd á Hótel Glym og endað í Hernámssetrinu. Áætluð heimkoma kl. 16. Skráning og frekari upplýsingar í síma 433 1500 og á [...]

Sunnudaginn 22. maí er hinn almenni bænadagur kirkjunnar. Guðsþjónusta er við Akraneskirkju kl. 11 og verður hún með óhefðbundnu sniði þar sem boðið verður upp á bænastöðvar. Hægt verður að kveikja á kertum, skrifa bænarefni, lesa bænatexta og þiggja fyrirbæn við altarið. Verið öll velkomin til kirkju

Fermingarfræðslan í Garða- og Saurbæjarprestakalli hefst í ágúst. Nú í vikunni var sendur kynningarbæklingur á öll börn fædd 2009 sem eru búsett í prestakallinu. Þar er að finna upplýsingar um fermingarfræðsluna og fermingarnar næsta vor. Við boðum nú til kynningarfundur mánudaginn 16. maí kl. 19.30. Fundurinn er ætlaður væntanlegum fermingarbörnum og foreldrum þeirra. Skráning í fermingarfræðsluna fer fram hér á heimasíðunni. Hér er hægt að lesa bæklinginn.    

Verið hjartanlega velkomin í göngumessu næstkomandi sunnudag kl.11. Gangan hefst við Vinaminni kl. 11 og gengið verður um 2,3 km. Rut Berg mætir með harmonikkuna í gönguna og leikur undir söng hjá kórfélögum úr Kór Akraneskirkju. Á leiðinni munum við hlýða á ritningarlestra og fara með bænir. Að lokinni göngu verður boðið upp á kaffisopa í Vinaminni.

Messa kl. 20 í Akraneskirkju sunnudaginn 8. maí en þá verður sr. Ólöf Margrét Snorradóttir sett formlega í embætti prests í Garða- og Saurbæjarprestakalli. Prófastur, sr. Þorbjörn Hlynur Árnason, þjónar ásamt prestunum okkar. Organisti er Hilmar Örn Agnarsson, Kór Akraneskirkju syngur, einsöngur Björg Þórhallsdóttir, Rut Berg Guðmundsdóttir leikur á flautu. Meðhjálpari Helga Sesselja Ásgeirsdóttir. Að messu lokinni er boðið í kaffi í Vinaminni. Í tilefni mæðradagsins viljum við hvetja konur til að mæta í [...]

Á næstu dögum verður sent kynningarbréf til barna fædd 2009 og þeim boðið að taka þátt í fermingarfræðslu næsta vetrar sem hefst í ágúst. Vorið 2023 verður fermt í Akraneskirkju eftirtalda daga: Laugardaginn 25. mars kl. 10.30 Sunnudaginn 26. mars kl. 10.30 og 13.30 Laugardaginn 1.apríl kl. 10.30 og 13.30 Pálmasunnudag 2. apríl kl. 10.30 og 13.30 Fermt verður í Hallgrímskirkju í Saurbæ á skírdag 6. apríl, í Leirárkirkju sunnudaginn 23. apríl og í [...]

Við ætlum að fagna sumrinu saman í Akraneskirkju sumardaginn fyrsta 21. apríl. Skátafélag Akraness sér um skrúðgöngu sem leggur af stað frá Tónlistarskólanum kl. 10:30 og gengið verður í gegnum bæinn og að Akraneskirkju. Fjölskyldumessa verður í Akraneskirkju kl. 11 með léttu sniði og er fólki einnig velkomið að mæta bara beint þangað kl. 11. Eftir messu verður hægt að hoppa í hoppukastala og fá sér pylsu við Vinaminni. Hvetjum alla til að mæta [...]