Hallgrímskirkja í Saurbæ
Vaktsími presta: 893-5900
Vaktsíminn einungis ætlaður brýnum málum sem ekki þola bið fram að viðtalstíma prestanna.
Ýmislegt
Fréttasafn
Diddú og drengirnir með aðventutólneika í Hallgrímskirkju
Diddú og drengirnir flytja dásamlega aðventutónlist í Hallgrímskirkju í Saurbæ sunnudaginn 5. desember kl. 16:00-17:30. Sigrún Hjálmtýsdóttir ásamt blásarasextett hefur um árabil glatt tónlistarunnendur með tónlistarflutningi á aðventu. Kór Saurbæjarprestakalls undir stjórn Zsuszönnu Budai syngur með í tveimur perlum; Ave María eftir Sigvalda Kaldalóns og Panis Angelicus eftir Cesar Franck. Aðgangseyrir er kr. 3000.- Tónleikanefndin óskar eftir að gestir framvísi neikvæðu covid-hraðprófi.
Jólatónleikar Kórs Akraneskirkju
Fimmtudaginn 16. desember kl. 20:00 mun Kór Akraneskirkju fagna komu jólanna með jólatónleikum í Vinaminni. Lagaval tónleikanna er fjölbreytt og skemmtilegt og allir ættu að finna eitthvað við sitt hæfi. Forsala á tónleikana verður í versluninni Bjargi og hefst hún 5. desember. Lausir miðar verða seldir við innganginn. Miðaverð er 4.ooo kr. Tekið skal fram að fylgd verður ítrustu sóttvarnarreglum sem í gildi verða á þeim tíma.
Jólamarkaður til styrktar Innra-Hólmskirkju
Jólamarkaður til styrktar Innra-Hólmskirkju verður haldinn í Miðgarði í Hvalfjarðarsveit laugardaginn 27. nóvember og sunnudaginn 28. nóvember frá kl . 13 til 17 báða dagana. á markaðinum verður ýmiskonar handverk, sultur, kleinur, broddur, kæfa og kökur. Einnig verður vöfflu og kaffisala á staðnum. Við virðum sóttvarnarreglur og erum því með fjöldatakmarkanir og grímuskyldu. Hlökkum til að sjá ykkur. Nefndin. Ath. það er ekki posi á staðnum
Ljós á leiði í Akraneskirkjugarði
Ljós á leiði verða afgreidd í Kirkjugarði Akraness sem hér segir laugardaginn 27 nóvember frá klukkan 11 til 15.30 sunnudaginn 28. nóvember frá klukkan 13 til 15.30 laugardaginn 4. desember frá klukkan 13 til 15.30 Athugið ! Afgreiðslan er í vinnuskúrnum í kirkjugarðinum Verð kr. 8,000 Munum eftir grímunum Nánari upplýsingar veita Valdimar Þorvaldsson í síma 899 9755 eða netfang: valdith@aknet.is og Ólafur Gr. Ólafsson í síma 844 2362 netfang: oligretar@aknet.is Lionsklúbbur Akraness
Karlakaffi miðvikudaginn 17. nóbember kl. 13.30
Miðvikudaginn 17. nóvember kl. 13.30 verður karlakaffi í Vinaminni á vegum Akraneskirkju. Gestur í kaffinu verður Gísli Gíslason formaður Brims-þróunarfélags á Akranesi og segir meðal annars frá starfsemi félagsins og hvað er fram undan hjá því.
ATH kvöldmessa fellur niður í Innra-Hólmskirkju
Vegna smita í samfélaginu höfum við ákveðið að fella niður kvöldmessuna í Innra-Hólmskirkju á sunnudaginn. Þar er erfitt að halda fjarlægð fyrir kórmeðlimi og fyrir kirkjugesti. Við munum þó vera með sunnudagaskóla kl. 10 og guðsþjónustu kl.11 í Akraneskirkju og fjölskyldumessu í Leirárkirkju kl.10.
Helgihald sunnudaginn 14.nóvember
Helgihald í Garða- og Saurbæjarprestakalli verður eftirfarandi sunnudaginn 14.nóvember Sunnudagaskóli kl. 10 í Akraneskirkju Guðsþjónusta kl. 11 í Akraneskirkju. Séra Ólöf Margrét Snorradóttir mun þjóna í fyrsta skipti í söfnuðinum. Kór Akraneskirkju syngur og Hilmar Örn Agnarsson leikur á orgel. Fjölskyldumessa kl. 11 í Leirárkirkju. Séra Þóra Björg leiðir stundina. Kvöldmessa kl. 20 í Innra-Hólmskirkju. Séra Þóra Björg þjónar, Kór Saurbæjarprestakalls syngur og Zsuzsanna Budai leikur á orgel. Verið hjartanlega velkomin!
Opið hús 10. nóvember fellur niður
Vegna ástandsins í bænum höfum við ákveðið að fella niður opið hús þann 10.nóvember. Við vonumst til að geta haldið áfram með venjulega dagskrá á næstu vikum. Þá er karlakaffi þann 17. nóvember og opið hús 24. nóvember.
Barna- og unglingastarfið með hefðbundnum hætti
Barna- og unglingastarf kirkjunnar verður með hefðbundnum hætti í dag. Það verða ,,fáránleikar" í 6-9 ára og 10-12 ára starfinu og spilafundur í æskulýðsfélaginu. 6-9 ára starfið er kl. 15-16 á mánudögum 10-12 ára starfið er kl. 17-18 á mánudögum Æskulýðsfélagið (8-10.bekkur) er kl. 20:00-21:30 á mánudögum. Allt starfið fer fram í gamla iðnskólanum.
Tilkynning frá Akraneskirkju
Í ljósi mikillar fjölgunar smita á Akranesi hefur verið tekin sú ákvörðun að fella niður sunnudagaskóla og guðsþjónustu sunnudaginn 7. nóvember. Þetta er gert í samræmi við ákvörðun Akraneskaupsstaðar að loka öllu tómstundastarfi um helgina. Á sunnudaginn er Allra heilagra messa og til stóð að minnast látinna. Nú eftir helgi verður staðan tekin á nýjan leik og í kjölfarið ákveðið hvenær við munum halda hátíðarmessu og minnast látinna í Akraneskirkju. Akraneskirkja verður opin á [...]
Skilti afhjúpað við Hallgrímskirkju í Saurbæ
Það var hátíðleg og góð stund þegar Biskup Íslands afhjúpaði nýtt söguskilti við Hallgrímskirkju í Saurbæ í gær. Eftir afhjúpunina var stund í kirkjunni þar sem Kór Saurbæjarprestakalls flutti sálma eftir sr. Hallgrím og Benedikt Kristjánsson tenór flutti kirkjuljóð eftir Jón Leifs.
Skemmtikvöld með Alberti og Bergþóri
Kirkjunefnd Akraneskirkju tekur nú þátt í vökudögum í fyrsta sinn. Boðið er upp á skemmtikvöld á léttum nótum í Vinaminni með Alberti og Bergþóri þann 30. október. Tónlist og almenn gleði. Skemmtunin hefst kl. 19:00. Miðaverð eru litlar 2.500 kr á mann og verða miðar seldir á Bókasafni Akraness frá og með mánudeginum 18. október. Einungis 120 miðar eru í boði, því er um að gera að tryggja sér miða sem fyrst. Öll velkomin. [...]