Garða- og Saurbæjarprestakall

Í dag, 10.maí, hefst skráning í fermingarfræðslu og val á fermingardögum fyrir vorið 2022. Hér til vinstri á síðunni er flipi sem kallast ,,skráningar" og þar undir er ,,fermingarfræðsla". Þar eru fermingarbörnin skráð. Hér fyrir neðan er hægt að skoða bæklinginn. fermingarbæklingur 2021 - lokaútgáfa Garda-og saurbaejar

Lagt verður af stað frá Akraneskirkju kl. 11. Hlaupinn verður 5 km hringur um Akranes og endað í Vinaminni. Gulla Sverris og hlaupafélagar leiða hlaupið. Við vinaminni verður helgistund þar sem félagar úr Kór Akraneskirkju leiða söng og að lokum er boðið upp á hressingu. Öll þau sem vilja taka þátt en treysta sér ekki í hlaupið eru hjartanlega velkomin í Vinaminni upp úr kl. 11.30. Sjáumst!

Íhugun og útivera. Sunnudaginn 3. maí er ganga frá Hallgrímskirkju í Saurbæ kl 11. Gangan er auðveld og við allra hæfi, stoppað verður á nokkrum stöðum og atburðir páskanna íhugaðir. Hvernig væri að njóta íslenskrar náttúru og leiða hugan að kraftaverki páskanna?

Aðalsafnaðarfundur Akranessóknar verður haldin mánudaginn 26. apríl kl. 17.30. Vegna samkomutakmarkanna verður safnaðarsal Vinaminnis skipt í tvö sóttvarnarhólf, hægt er að ganga inn í safnaðarheimilið bæði að framanverður og að aftanverður og er þá gengið inn í sitthvort hólfið. Starfsfólk tekur á móti gestum og vísar fólki í rétt hólf. Ekki verður boðið upp á veitingar líkt og gert hefur verið undanfarin ár. Atkvæðisrétt hafa allir íbúar í Akranessókn sem skráðir eru í Þjóðkirkjuna. [...]

Mörg sem hafa vakandi auga með kirkju og kristni og hugsa um kirkjuhúsin, hafa ekki hátt um það en varðstaða þeirra er ómetanleg. Ragnheiður Guðmundsdóttir er kirkjukona. Hógvær kona og yfir henni er rósemd og öryggi. Kona sem lætur ekki margt koma sér úr jafnvægi. Bjartsýn kona en þó raunsæ.

Vinna Bjarna Skúla Ketilssonar (Baska) við endurgerðina á altaristöflu Akraneskirkju.

Prestar: Þóra Björg Sigurðardóttir og Þráinn Haraldsson Organisti: Sveinn Arnar Sæmundsson Einsöngur: Ásta Marý Stefánsdóttir https://youtu.be/5I7dBVx6wWw

Hinar fjórtan stöðvar krossferilsins í myndum Önnu G Torfadóttur eru á sýningu í Hallgrímskirkju í Saurbæ ásamt kross- og upprisumyndum Gunnars J. Straumland. Fjórtán krossferilsmyndir í einni samræmdri myndröð eru með elstu viðfangsefnum kirkjulistarinnar. Slíkar myndaraðir gefur að líta  í nær öllum rómversk-kaþólskum kirkjum og kapellum í margskonar útfærslum. Sameiginlegt með þeim öllum er að þær sýna í raunsæismyndum eða með táknmáli áfangastaði og atvik á píslargöngu Krists.  Þessi myndaröð Önnu er unnin í [...]

Í meðfylgjandi myndskeiði má hlýða á kvenraddir Kirkjukórs Akraness flytja Stabat Mater eftir Giovanni Battista Pergolesi. Upptakan var gerð í sjónvarpssal árið 1967. Stjórnandi er Haukur Guðlaugsson en hann var organisti við Akraneskirkju á þessum tíma og lagði mikin metnað í starf sitt. Hljóðfæraleikarar í þessari upptöku eru þau Guðný Guðmundsdóttir, Helga Hauksdóttir, Sturla Tryggvaon, Páll Einarsson og Fríða Lárusdóttir. Einsöng syngja þær Sigurveig Hjaltested alt og Guðrún Tómasdóttir sópran. Lesarar eru Hjálmar Thorsteinsson [...]

Helgistund frá Garða- og Saurbæjarprestkalli á Skírdagskvöld

Á föstudaginn langa kl. 17, verður sjónvarpað frá helgistund sem að mestu er tekin upp í Hallgrímskirkju í Saurbæ. Biskup Íslands, séra Agnes M. Sigurðardóttir, sér um stundina. Sr. Þóra Björg Sigurðardóttir flytur hugvekju. Benedikt Kristjánsson, tenór syngur, Zsuzsanna Budai leikur á píanó. Aðrir tónlistarflytjendur eru Jóhanna Guðrún Jónsdóttir, Davíð Sigurgeirsson og Kammerkór Akraneskirkju undir stjórn Sveins Arnars Sæmundssonar.  

Í ljósi nýrra sóttvarnarreglna er ljóst að auglýst dagskrá í prestakallinu um kyrruviku og páska tekur miklum breytingum. Ekki verður opið helgihald þessa daga en við munum birta á facebook síðu prestakallsins og hér á heimasíðunni helgistundir, bæði á skírdag og páskadag. Á föstudaginn langa er helgistund á RÚV í umsjón biskups Íslands. Sú helgistund er tekin upp í Hallgrímskirkju í Saurbæ. Kammerkór Akraneskirkju syngur og sr. Þóra Björg Sigurðardóttir flytur hugvekju ásamt fleirum. [...]