Garða- og Saurbæjarprestakall

Á uppstigningardag, 9. maí verður vorferð kirkjustarfsins í Borgarfjörðinn. Lagt af stað klukkan 12 að lokinni guðsþjónustu í Akraneskirkju. Þá er haldið að Hvanneyri þar sem við snæðum súpu, kíkjum kannski í Ullarselið áður en við keyrum hring um Borgarfjörð. Á bakaleiðinni skoðum við Melasveitina og stoppum svo á Laxárbakka. Áætluð heimkoma er 16:30. Þátttökugjald er kr. 5000. Skráning í síma 433 1500 eða hjá olof@akraneskirkja.is

Aðalsafnaðarfundur Akranessóknar verður haldinn í safnaðarheimilinu Vinaminni þriðjudaginn 7. maí kl. 17:30 Komdu og láttu þig varða málefni kirkjunnar þinnar

Hljómur syngur í messu á uppstigningardag kl. 11 Vorferð kl. 12 Á kirkjudegi aldraðra, uppstigningardag, er guðsþjónusta í Akraneskirkju kl. 11. Hljómur, kór FEBAN, syngur undir stjórn Lárusar Sighvatssonar, organisti er Hilmar Örn Agnarsson. Prestur er Ólöf Margrét Snorradóttir. Uppstigningardagur er dagur aldraðra í kirkjunni, þá lyftum við upp og minnum á og þökkum það góða starf sem aldraðir sinna í kirkjunni. Komum saman og gleðjumst á þessum degi. Verið velkomin til kirkju! Vorferð [...]

Í vetur hefur farið fram dýrmætt safnaðarstarf í Vinaminni sem opið er öllum í prestakallinu. Barna- og æskulýðsstarf, opið hús og karlakaffi, auk fræðslukvölda og fermingarstarfs. Prestar og annað starfsfólk er þakklátt fyrir samveruna og hlakkar til áframhaldandi starfs næsta vetur. En nú er maímánuður genginn í garð og safnaðarstarfi vetrarins lýkur brátt. Af því tilefni er margt á döfinni hjá okkur, vorferðir og sumarhátíð. Verið velkomin! Sunnudaginn 5. maí kl. 11 er lokahátíð [...]

Sumarhátíð sunnudagaskólans verður haldin í Akraneskirkju sunnudaginn 5. maí kl. 11. Það verður saga, söngur og mikið fjör. Rebbi býður okkur í afmæli og svo verður hoppukastali og pylsur. Öll velkomin! Hlökkum til að sjá ykkur

Við sláum á létta strengi í opna húsinu síðasta vetrardag. Fögnum vorinu og kveðjum veturinn með bros á vör. Verið velkomin! Minnum á kyrrðarstund og súpu í hádeginu alla miðvikudaga. Kr. 500 fyrir súpu og kaffi.

Helgihaldið í Garða- og Saurbæjarprestakalli sunnudaginn 21. apríl er eftirfarandi: Sunnudagaskóli í Akraneskirkju kl. 11. Það verður náttfatapartý í sunnudagaskólanum. Umsjón hafa Aníta Eir Einarsdóttir og Jóhanna Elísa Skúladóttir. Guðsþjónusta í Hallgrímskirkju í Saurbæ kl. 11. Séra Þóra Björg þjónar, Zsuzsanna Budai er organisti og félagar úr Kór Saurbæjarprestakalls leiða söng. Kvöldmessa í Akraneskirkju kl. 20. Séra Þóra Björg þjónar, Hilmar Örn Agnarsson er organisti og félagar úr Kór Akraneskirkju leiða söng.

Ævintýranámskeið sumarið 2024 eru í Akraneskirkju fyrir 6-9 ára börn og verða: 1.námskeið: 10. - 14. júní . Verð 14.500 kr. 2.námskeið: 18. - 21. júní. Verð 12.500 kr. 3. námskeið: 24. - 28. júní. Verð 14.500 kr. Námskeiðin eru kl. 8:30 - 16:00. Skráning fer fram ----HÉR----

Allsherjar heilsu-húsráð og húrrandi fjör Hildur Aðalbjörg Ingadóttir sjúkraþjálfari kemur í heimsókn með heilsuhúsráð fyrir okkur og að sjálfsögðu húrrandi fjör. Sjáumst í opna húsinu í Vinaminni kl. 13:15, miðvikudaginn 10. apríl. Kaffi og sætabrauð í lok stundar. Kr. 500. Kyrrðarstund og súpa í hádeginu Kyrrðarstund er í Akraneskirkju alla miðvikudaga kl. 12:10. Það er hvíld og endurnæring í því að setjast inn í kirkjuna og heyra ljúfa tóna orgelsins, hlýða á ritningarlestur og [...]

Jón Gunnlaugsson kemur í heimsókn og segir sögur úr fótboltanum. Einnig fjallar hann um heimasíðu þeirra feðga, Á sigurslóð. Karlakaffi einn miðvikudag í mánuði kl. 13:15 Í karlakaffi fáum við góða gesti í heimsókn sem segja frá starfi sínu, áhugamáli eða miðla öðrum fróðleik. Þetta er vettvangur fyrir herramennina að hittast þar sem er fræðsla og skemmtun og tækifæri til að spjalla. Kaffi og meðlæti í lok samveru kr. 500

Sigurhátíð sæl og blíð Hallgrímskirkja í Saurbæ Árdegismessa kl. 08:00. Prestur sr. Þóra Björg Sigurðardóttir. Kór Saurbæjarprestakalls syngur. Organisti Zsuzsanna Budai. Kaffi í Saurbæ að messu lokinni Akraneskirkja Hátíðarguðsþjónusta kl. 11. Prestur sr. Þráinn Haraldsson, Kór Akraneskirkju syngur, organisti Hilmar Örn Agnarsson. Kaffi í Vinaminni að messu lokinni Hátíðarguðsþjónusta á Hjúkrunarheimilinu Höfða kl. 12:45.  Prestur sr. Þóra Björg Sigurðardóttir, Kór Akraneskirkju syngur, organisti Hilmar Örn Agnarsson.

Stóð við krossinn mærin mæra Á föstudaginn langa verður flutt hið forna helgikvæði Stabat Mater, eftir Giovanni Battista Pergolesi í Akraneskirkju við helgistund kl. 20. Píslarsaga Krists hefur verið mörgum uppspretta að yrkisefni, líkt og aldagamlir sálmar og nýrri bera vitni um. Helgikvæðið Stabat Mater, er kristinn sálmur frá 13. öld, saminn til dýrðar Maríu mey þar sem horft er á krossfestingu Krists með augum Maríu guðsmóður, hinnar sorgmæddu móður sem stóð við krossinn, [...]