Laugardaginn 28. og sunnudaginn 29. nóvember verður haldinn jólamarkaður í Miðgarði, Hvalfjarðarsveit frá kl. 12–18. Á markaðinum verður ýmiskonar handverk, sultur, kleinur, broddur, kæfa og kökur. Sóttvarnarreglur verða að sjálfsögðu virtar og því verða fjöldatakmarkanir og grímuskylda. Vert er að hafa það í huga að ekki verður posi á staðnum

Eins og allir vita hefur ekki verið messað um nokkra hríð, meðan samkomutakmarkanir eru í gildi, annað safnaðarstarf hefur einnig legið niðri s.s. bænastundir, opið hús fyrir eldri borgara, sunnudagaskóli, barna og æskulýðsstarf og fermingarfræðsla. Nú hefur verið létt á takmörkunum er varða barnastarf og mun það hefjast samkvæmt dagskrá þriðjudaginn 24. nóvember. Engu að síður er margt sem gerist í kirkjunni. Prestarnir sinna töluverðri sálgæslu, hún er mikið í símtalsformi um þessar mundir [...]

Í dag þann 15. nóvember er Alþjóðlegur minningardagur um fórnarlömb umferðaslysa. Þá er þeirra minnst um allt land sem látist hafa í umferðaslysum.

Samhliða endurbótum sem gerðar voru á Akraneskirkju árið 1965, gáfu hjónin Haraldur Böðvarsson og Ingunn Sveinsdóttir Akraneskirkju þrjár koparklukkur í tilefni af 60 ára brúðkaupsafæmli sínu.

Vegna þeirra tilmæla sem sóttvarnalæknir hefur sent frá sér er ekkert barna- og unglingastarf út þriðjudaginn 17.nóvember. Það sama á við um almennt helgihald, bænastundir og starf eldri borgara. Við biðjum Guð að blessa ykkur á þessum undarlegu tímum og óskum þess að við fáum að hitta ykkur í kirkjunni sem allra fyrst.

Sagan á bak við altaristöfluna Sagan segir að um árið 1930 þá hafi maður er bjó í Hvalfirði fengið mikla magakveisu. Hann þurfti að leggjast inn og gangast undir aðgerð og var ástandið á honum tvísýnt um tíma. Við hlið hans á spítalanum lá listamaðurinn Kjarval. Þegar þeir lágu þarna saman sömdu þeir um það að ef maðurinn lifði af þessa raun þá myndi Kjarval gera altaristöflu og gefa í Innra-Hólmskirkju. Hann lifði þetta [...]

Á kórónutíð verður fólk að vera tilbúið til að fara í alls konar hlutverk. Kórsöngur er ekki leyfilegur að sinni vegna smithættu. Hvað er þá til ráða í kirkjunni þar sem tónlist og söngur skipa alltaf veglegan sess?