Akraneskirkja var þéttsetin sunnudaginn 21. ágúst þegar þess var minnst að 120 ár voru liðin frá vígslu hennar (23. ágúst 1896) og 30 ár frá vígslu  safnaðarheimilisins Vinaminnis. Séra Agnes M. Sigurðardóttir, biskup Íslands, prédikaði en auk hennar þjónuðu við athöfnina prestar safnaðarins, þeir sr. Eðvarð Ingólfsson sóknarprestur og sr. Þráinn Haraldsson sem kom til starfa í fyrra þegar nýtt stöðugildi prests var stofnað. Prófastur Vestlendinga, sr. Þorbjörn Hlynur Árnason, las guðspjall dagsins. Tveir [...]

Hjónin, Ingólfur Árnason og Guðrún Agnes Sveinsdóttir, færðu Akraneskirkju stórgjöf í tilefni merkra tímamóta í kaffisamsætinu eftir hátíðarguðsþjónustu í kirkjunni.    Í gjafabréfi sem þau afhentu sóknarpresti Akurnesinga og biskupi Íslands, yfirmanni Þjóðkirkjunnar, segir orðrétt:    Í tilefni af 120 ára vígsluafmæli Akraneskirkju viljum við hjónin, f. h. fyrirtækjanna Þorgeirs & Ellerts og Skagans, færa kirkjunni fjármuni að gjöf til minningar um föður minn, Árna Ingólfsson lækni, sem lést á þessu ári og tengdamóður [...]

Ávarp sóknarprests, sr. Eðvarðs Ingólfssonar,í  kaffisamsæti eftir messu, 21. ágúst 2016 Kæru gestir! Ég vil byrja á því að óska okkur öllum til hamingju með 120 ára vígsluafmæli Akraneskirkju og 30 ára vígsluafmæli safnaðarheimilisins! Í Akraneskirkju hafa margir lifað sínar dýpstu og helgustu stundir í gleði og sorg, stundir sem marka þáttaskil á ævileið.    Á tímamótum er gott að staldra við og minnast þess sem að baki er, líkt og við gerum hér [...]

Nú er hafinn undirbúningur fyrir fermingarfræðslu næsta vetrar. Bréf hefur verið sent á öll börn í söfnuðinum sem eru fædd árið 2003. Þeim og foreldrum þeirra er boðið á kynningarfund um fermingarfræðsluna þriðjudaginn 3. maí kl. 18:00. Þar verður farið yfir dagskrá næsta vetrar, en hún verður með öðru sniði en undanfarinn ár.  Að fundi loknum verður opnað fyrir skráningu í fermingarfræðsluna hér á vefnum. Bréfið sem sent var til foreldra má lesa hér [...]

Fyrstu hópar fermingarbarna á Akranesi voru fermdir fyrir og eftir hádegi, sunnudaginn 20. mars sl. Þá voru þessar myndir teknar. Alls munu 78 ungmenni fermast nú á vordögum í sjö hópum. Síðasta fermingarathöfnin verður 17. apríl. Með fermingarbörnunum á þessum myndum eru þeir sr. Eðvarð Ingólfsson sóknarprestur (t.v.)og sr. Þráinn Haraldsson prestur (t.h.). Þeir ferma saman.

Sunnudaginn 28. febrúar var haldin guðsþjónusta í Akranesvita. Sr. Þráinn Haraldsson þjónaði. Guðsþjónustan mun vera sú fyrsta sem haldin er í vitanum og var hún vel sótt. Þetta var fyrsti dagskrárliðurinn í Kirkjuviku sem Akraneskirkja stendur fyrir. Sjá nánar hér á síðunni . Einnig er Akraneskirkja með síðu á facebook en þar er hægt að fylgjast enn betur með ákveðnum viðburðum.

Andrés Þór Gunnlaugsson gítarleikari, Karl Olgeirsson píanóleikari og Jón Rafnsson kontrabassaleikari, leika af nýútkomnum geisladiski sem nefnist Hátíðarnótt. Á tónleikunum flytja þeir félagar jólalög og sálma sem hafa fylgt íslensku jólahaldi í gegnum áratugina í fallegum jazzútsetningnum. Meðal laga á disknum eru; Sjá himins opnast hlið, Það aldin út er sprungið, Jólasveinar ganga um gólf, Hátíð fer að höndum ein og Heims um ból Kaffi og jólasmákökur í boði Kalmans – listafélags. Tónleikarnir eru [...]

Brátt hefst barnastarf kirkjunnar og KFUM og KFUK. Sunnudagskólinn fer fram alla sunnudag kl. 11 í kirkjunni. Kirkjuprakkarar er starf fyrir 6 - 9 ára börn. Fyrir áramót verða 5 samverur á laugardögum kl. 10 - 11.  Samverurnar fara fram í Iðnskólahúsinu bak við safnaðarheimilið Vinaminni. Það er skemmtileg dagskrá með leikjum, þrautum og ýmsu öðru ásamt fræðslu. Umsjónarmaður starfsins er Írena Rut Jónsdóttir ásamt aðstoðarleiðtogum. Samverur eru eftirtalda laugardaga: 26. sept., 17.okt., 7.nóv., [...]

Kór Akraneskirkju heldur sína árlegu kaffihúsakvöld miðvikudagskvöldið 22. apríl og fimmtudagskvöldið 23. apríl. Dagskráin hefst kl. 20 bæði kvöldin.  Í boði verður fjölbreytt dagskrá í tali og tónum. Og í tilefni þess að 100 ár eru liðin frá því að konur fengu kosningarétt á Íslandi, þá verður þessum elskum gert hátt undir höfði. Sérstakir gestir verða þær Regína Ásvaldsdóttir bæjarstjóri Akraness og Sigríður Thorlacius söngkona. Regína kemur í sérstakt "sófaspjall" og kaffihúsagestir fá að [...]

  Smári Ólason hélt áhugaverðan fyrirlestur um Hallgrím Pétursson í Akraneskirkju í gærkvöldi. Magnea Tómasdóttir söng. Góð kvöldstund og eftir dagskrána spunnust upp fínar umræður. Þökkum þeim innilega fyrir komuna.

  Sunnudaginn 22. mars voru 14 ungmenni fermd í Akraneskirkju. Fermingar verða sunnudagana 29. mars, 12. apríl og 19. apríl. Alls verða fermd 94 börn þetta vorið. Guðni Hannesson ljósmyndari tók þessa mynd af fermingarbörnunum þegar þau gengu til kirkju.